ឯកឧត្តម ប៉ា សុជាតិវង្ស ចុះទៅពិនិត្យសំណង់ការដ្ឋានស្ថាបនាស្ថានីយ៍បូមទឹកទួលគោកទី២
28-January-2016 | ដោយ ម៉ែន កំសត់
ភ្នំពេញ៖ នៅរសៀលថ្ងៃទី២៦ ខែមករា ឆ្នាំ២០១៦ នេះ ឯកឧត្តម ប៉ា សុជាតិវង្ស អភិបាលនៃគណៈអភិបាលរាជធានីភ្នំពេញ អមដោយមន្ត្រីជំនាញក្រោមឱវាទសាលារាជធានីភ្នំពេញបានអញ្ជើញចុះទៅពិនិត្យសំណង់ការដ្ឋានស្ថាបនាស្ថានីយ៍បូមទឹកទួលគោកទី២ ដែលកំពុងសាងសង់បានប្រមាណ៣០% និងប្រឡាយបាក់ទូក កំពុងដំណើរការស្តារឡើងវិញ ។
យោងតាមការបញ្ជាក់របស់ឯកឧត្តម ប៉ា សុជាតិវង្ស អភិបាលនៃគណៈអភិបាលរាជធានីភ្នំពេញ បានថ្លែងឲ្យដឹងថា នៅពេលនេះ ការដ្ឋានស្ថាបនាស្ថានីយ៍បូមទឹកទួលគោកទី២ បានដំណើរការចាក់បេតុងកម្រាលក្រោមតួស្ថានីយ៍ បណ្តោយ ១៧.៥ម ទទឹង ១៣.៥ម កម្រាស់ ០.៥ម បរិមាណបេតុង ១២០ម៉ែត្រគូប លទ្ធផលជារួមបានប្រមាណ៣០%ហើយ និងគ្រោងបញ្ចប់នៅអំឡុងខែឧសភា២០១៦នេះ ។
ឯកឧត្តមក៏បានជំរាបជូនថែមទៀតថា តាមផែនការជាយុទ្ឋសាស្ត្រយូរអង្វែងនិងទប់ស្កាត់ការរំលោភលើដីចំណីប្រឡាយគម្រោងនេះ នឹងស្ថាបនាបើកផ្លូវអមសងខាងប្រឡាយជាផ្លូវបេតុងអារមេនិងស្ថាបនាជើងប្រឡាយជាជញ្ជាំងបេតុងអារមេផងដែរ។
ចំណែកប្រឡាយបាក់ទូកកំពុងស្ថាបនា ចាប់ពីផ្លូវទំនប់៧០ ដល់ផ្លូវបូរីទួលសង្កែប្រវែង២៩០០ម៉ែត្រ ទទឹងពី៨ទៅ៥០ម៉ែត្រ។ បន្ទាប់ពីស្ថាបនារួច ប្រពន្ធ័ទាំងពីរខាងលើនេះ អាចរំដោះទឹកចេញពីតំបន់ទួលគោក តំបន់ស្រះចក ដូនពេញ និងតំបន់ទួលសង្កែ ឬអាចនិយាយបានថាអាចរំដោះទឹកពីភាគខាងជើងរាជធានីភ្នំពេញតែម្តង ៕
ចំនួនអ្នកទស្សនា
- ថ្ងៃនេះ3241
- ម្សិលមិញ2941
- សប្តាហ៍នេះ6191
- ខែនេះ26241
- ឆ្នាំនេះ1009461
- សរុប20236907